0:00
/
1ܐܝܼܢܵܐ ܐܝܼܬ ܗ݇ܘܵܐ ܚܲܕَ ܐ݇ܢܵܫܵܐ ܡ̣ܢ ܦܪ̈ܝܼܫܹܐ: ܫܸܡܹܗ ܢܝܼܩܵܕܹܡܘܿܣ: ܓܘܼܪܵܐ ܕܝܗَܘܼܕܵܝܹ̈ܐ. 2ܐܵܗܵܐ ܐَܬܹܐܠܹܗ ܠܟܸܣܠܹܗ ܒܠܲܝܠܹܐ: ܘܐَܡܝܼܪܹܗ ܐܸܠܹܗ: ܪܵܒܝܼ: ܒܝܼܕܵܥܝܵܐ ܝܘܵܚ ܕܡ̣ܢ ܐܲܠܵܗܵܐ ܐܬܝܼܵܐ ܝܘܸܬ ܡܲܠܦܵܢܵܐ: ܣܵܒܵܒ ܕܟ̰ܘܼ ܐ݇ܢܵܫܵܐ ܠܹܐ ܡܵܨܹܐ ܐܲܢܹܐ ܢܝܼܫܲܢܩܹ̈ܐ ܠܸܥܒ̣ܵܕܵܐ ܐܲܢَܬ ܒܸܥܒ̣ܵܕܵܐ ܝܘܸܬ: ܐܸܠܵܐ ܡ̇ܢ ܕܐܲܠܵܗܵܐ ܥܲܡܹܗ. 3ܓ̰ܘܼܘܸܒܠܹܗ ܝܼܫܘܿܥ ܘܐَܡܝܼܪܹܗ ܐܸܠܹܗ: ܬܪܘܿܨܵܐ: ܬܪܘܿܨܵܐ: ܒܹܐܡܵܪܵܐ ܝܘܸܢ ܐܸܠܘܼܟܼ: ܕܐܸܢ ܐ݇ܢܵܫܵܐ ܠܵܐ ܦܵܐܹܫ ܗَܘܝܼܵܐ ܡܸܢَܕܪܹܫ: ܠܹܐ ܡܵܨܹܐ ܕܚܵܙܹܐ ܡܲܠܟܘܼܬܹܗ ܕܐܲܠܵܗܵܐ. 4ܐܵܡܸܪ ܐܸܠܹܗ ܢܝܼܩܵܕܹܡܘܿܣ: ܕܵܐܟ̣ܝܼ ܡܵܨܹܐ ܕܦܵܐܹܫ ܗَܘܝܼܵܐ ܐ݇ܢܵܫܵܐ ܟܲܕ ܣܵܒ̣ܵܐ ܝܠܹܗ: ܟܹܐ ܡܵܨܹܐ ܠܸܥܒܼܵܪܵܐ ܠܟܹܪَܣܵܐ ܕܝܸܡܹܗ ܓܵܗܵܐ ܕܬܲܪ̈ܬܹܝ: ܘܦܵܐܹܫ ܗَܘܝܼܵܐ. 5ܓ̰ܘܼܘܸܒܠܹܗ ܝܼܫܘܿܥ: ܬܪܘܿܨܵܐ: ܬܪܘܿܨܵܐ: ܒܹܐܡܵܪܵܐ ܝܘܸܢ ܐܸܠܘܼܟܼ: ܐܸܢ ܐ݇ܢܵܫܵܐ ܠܵܐ ܦܵܐܹܫ ܗَܘܝܼܵܐ ܡ̣ܢ ܡ̈ܝܼܵܐ ܘܪܘܼܚܵܐ: ܠܹܐ ܡܵܨܹܐ ܕܥܵܒܼܸܪ ܠܡܲܠܟܘܼܬܹܗ ܕܐܲܠܵܗܵܐ. 6ܡܸܢܕܝܼ ܕܝܼܠܹܗ ܗَܘܝܼܵܐ ܡ̣ܢ ܒܸܣܪܵܐ: ܒܸܣܪܵܐ ܝܠܹܗ: ܘܡܸܢܕܝܼ ܕܝܼܠܹܗ ܗَܘܝܼܵܐ ܡ̣ܢ ܪܘܼܚܵܐ: ܪܘܼܚܵܐ ܝܠܹܗ. 7ܠܵܐ ܥܵܓ̰ܒܸܬ ܕܐَܡܸܪܝܼ ܐܸܠܘܼܟܼ: ܘܵܓ̰ܸܒ ܝ݇ܠܵܗ̇ ܐܸܠܵܘܟ̣ܘܿܢ ܠܸܦܝܵܫܵܐ ܗَܘܝܹܐ ܡܸܢَܕܪܸܫ. 8ܦܵܘܚܵܐ ܒܗ̇ܝ ܕܘܼܟܵܐ ܕܒܵܣܡܵܐ ܠܹܗ ܟܹܐ ܡܵܚܹܐ: ܘܩܵܠܹܗ ܟܹܐ ܫܲܡܥܸܬ: ܐܸܠܵܐ ܠܹܐ ܝܵܕܥܸܬ ܡܐܲܝܟܵܐ ܒܹܐܬܵܝܵܐ ܝܠܹܗ ܘܠܐܲܝܟܵܐ ܒܹܐܙܵܠܵܐ ܝܠܹܗ. ܗܲܕܟ̣ܵܐ ܝܠܹܗ ܟܠ ܐ݇ܢܵܫܵܐ ܕܝܼܠܹܗ ܗَܘܝܼܵܐ ܡ̣ܢ ܪܘܼܚܵܐ. 9ܓ̰ܘܼܘܸܒܠܹܗ ܢܝܼܩܵܕܹܡܘܿܣ ܘܐَܡܝܼܪܹܗ ܐܸܠܹܗ: ܕܵܐܟ̣ܝܼ ܡܵܨܝܼ ܐܲܢܹܐ ܠܸܗܘܵܝܵܐ. 10ܓ̰ܘܼܘܸܒܠܹܗ ܝܼܫܘܿܥ ܘܐَܡܝܼܪܹܗ ܐܸܠܹܗ: ܐܲܢَܬ ܝܼܘܸܬ ܡܲܠܦܵܢܹܗ ܕܝܼܣܪܵܝܹܠ: ܘܐܲܢܹܐ ܠܹܐ ܝܘܸܬ ܒܝܼܕܵܥܝܵܐ. 11ܬܪܘܿܨܵܐ: ܬܪܘܿܨܵܐ: ܒܹܐܡܵܪܵܐ ܝܘܸܢ ܐܸܠܘܼܟܼ: ܡܸܢܕܝܼ ܕܟܹܐ ܝܲܕܥܵܚ ܗܲܡܙܘܼܡܹܐ ܝܘܵܚ: ܘܥܲܠ ܡܸܢܕܝܼ ܕܚܙܹܐܠܲܢ ܒܝܼܵܗَܒ̣ܵܐ ܝܘܵܚ ܣܵܗܕܘܼܬܵܐ: ܘܣܵܗܕܘܼܬܲܢ ܠܹܐ ܝܬܘܿܢ ܩܵܒ̇ܘܿܠܹܐ. 12ܐܸܢ ܡܸܢܕܝܵܢܹ̈ܐ ܐܲܪ̈ܥܵܢܵܝܹܐ ܐَܡܸܪܝܼ ܐܸܠܵܘܟ̣ܘܿܢ ܘܠܹܐ ܝܬܘܿܢ ܗܲܡܘܼܢܹܐ: ܕܐܵܟ̣ܝܼ ܐܸܢ ܐܵܡܪܸܢ ܐܸܠܵܘܟ̣ܘܿܢ ܫܡܲܝܵܢܵܝܹ̈ܐ ܒܸܬ ܗܲܡܸܢܝܼܬܘܿܢ. 13ܘܠܵܐ ܐ݇ܢܵܫܵܐ ܐܣܸܩܠܹܗ ܠܫܡܲܝܵܐ: ܐܸܠܵܐ ܗ̇ܘ ܕܨܠܹܐܠܹܗ ܡ̣ܢ ܫܡܲܝܵܐ: ܒܪܘܿܢܹܗ ܕܐ݇ܢܵܫܵܐ: ܗ̇ܘ ܕܝܠܹܗ ܒܫܡܲܝܵܐ. 14ܘܕܵܐܟ̣ܝܼ ܕܡܘܼܪܸܡܠܹܗ ܡܘܼܫܹܐ ܚܘܼܘܹܐ ܓܵܘ ܒܲܪܝܼܵܐ: ܗܲܕܟ̣ܵܐ ܘܵܓ̰ܸܒ ܝ݇ܠܵܗ̇ ܠܸܦܝܵܫܵܐ ܡܘܼܪܡܵܐ ܡܘܼܫܹܐ ܚܘܼܘܹܐ ܓܵܘ ܒܲܪܝܼܵܐ: ܗܲܕܟ̣ܵܐ ܘܵܓ̰ܸܒ ܝ݇ܠܵܗ̇ ܠܸܦܝܵܫܵܐ ܡܘܼܪܡܵܐ ܒܪܘܿܢܹܗ ܕܐ݇ܢܵܫܵܐ. 15ܕܟܠ ܐ݇ܢܵܫܵܐ ܕܗܲܡܸܢ ܒܝܹܗ ܗܵܘܝܼ ܠܹܗ ܚܲܝܹ̈ܐ ܕܠܐܵܒܲܕ. 16ܣܵܒܵܒ ܗܲܕܟ̣ܵܐ ܡܘܼܚܒܸܠܹܗ ܐܲܠܵܗܵܐ ܠܥܵܠܡܵܐ: ܕܵܐܟ̣ܝܼ ܕܠܒܪܘܿܢܹܗ ܝܼܚܝܼܕܵܝܵܐ ܝܸܗَܒܸܠܹܗ: ܕܟܠ ܡ̇ܢ ܕܗܲܡܸܢ ܒܝܹܗ ܠܵܐ ܬܵܠܸܩ: ܐܸܠܵܐ ܗܵܘܝܼ ܠܹܗ ܚܲܝܹ̈ܐ ܕܠܐܵܒܲܕ. 17ܣܵܒܵܒ ܠܵܐ ܫܘܼܕܸܪܹܗ ܐܲܠܵܗܵܐ ܠܒܪܘܿܢܹܗ ܠܥܵܠܡܵܐ ܕܕܵܝܸܢܹܗ ܠܥܵܠܡܵܐ: ܐܸܠܵܐ ܕܚܲܝܹܐ ܥܵܠܡܵܐ ܒܐܝܼܕܹܗ. 18ܡ̇ܢ ܕܗܲܡܸܢ ܒܝܹܗ ܠܹܐ ܦܵܐܹܫ ܕܝܼܢܵܐ: ܘܗ̇ܘ ܕܠܵܐ ܗܲܡܸܢ ܡ̣ܢ ܓ̰ܲܠܕܹܐ ܕܝܼܢܵܐ ܝܠܹܗ: ܣܵܒܵܒ ܕܠܵܐ ܗܘܼܡܸܢܹܗ ܒܫܸܡܹܗ ܕܝܼܚܝܼܕܵܝܵܐ ܒܪܘܿܢܹܗ ܕܐܲܠܵܗܵܐ. 19ܘܐܵܗܵܐ ܝ݇ܠܵܗ̇ ܕܝܼܘܵܢ: ܕܒܲܗܪܵܐ ܐَܬܹܐܠܹܗ ܠܥܵܠܡܵܐ: ܘܡܘܼܚܸܒܠܗܘܿܢ ܒܢܲܝ̈ܢܵܫܵܐ ܠܚܸܫܟܵܐ ܙܵܘܕܵܐ ܡ̣ܢ ܕܠܒܲܗܪܵܐ: ܣܵܒܵܒ ܕܦܘܼܠܚܵܢܵܝ̈ܗܝ ܒܝܼܫܹ̈ܐ ܗ݇ܘܵܘ. 20ܣܵܒܵܒ ܟܠ ܕܫܘܼ̈ܠܹܐ ܣܸܪ̈ܝܹܐ ܥܵܒܸܕ: ܟܹܐ ܣܵܢܹܐ ܠܒܲܗܪܵܐ: ܘܠܹܐ ܐܵܬܹܐ ܠܟܸܣ ܒܲܗܪܵܐ: ܕܠܵܐ ܦܵܝܫܝܼ ܡܘܼܢܟܸܣܹܐ ܦܘܼܠܚܵܢܘܼ̈ܗܝ. 21ܐܝܼܢܵܐ ܗ̇ܘ ܕܥܵܒܸܕ ܣܲܪܲܣܬܘܼܬܵܐ: ܟܹܐ ܐܵܬܹܐ ܠܟܸܣ ܒܲܗܪܵܐ: ܕܦܵܝܫܝܼ ܝܕܸܥܝܹܐ ܦܘܼܠܚܵܢܘܼ̈ܗܝ: ܕܒܲܐܠܵܗܵܐ ܥܒ̣ܝܼܕܹܐ ܝܢܵܐ. 22ܒܵܬَܪ ܐܲܢܹܐ ܐَܬܹܐܠܹܗ ܝܼܫܘܿܥ ܘܬܲܠܡܝܼܕܘܼ̈ܗܝ ܠܐܲܪܥܵܐ ܕܝܼܗܘܼܕ: ܘܬܵܡܵܐ ܦܸܫܠܹܗ ܥܲܡܵܝܗܝ: ܘܡܘܼܥܡܸܕܠܹܗ. 23ܘܐܘܼܦ ܝܘܿܚܲܢܵܢ ܡܲܥܡܘܿܕܹܐ ܗ݇ܘܵܐ ܓܵܘ ܥܹܝܢ ܝܘܿܢ ܒܕܸܦܢܵܐ ܕܫܵܠܝܼܡ: ܣܵܒܵܒ ܪܵܒܵܐ ܡ̈ܝܼܵܐ ܐܝܼܬ ܗ݇ܘܵܘ ܬܵܡܵܐ: ܘܐ݇ܬܹܐܠܗܘܿܢ ܘܦܸܫܠܗَܘܿܢ ܡܘܼܥܡܸܕܹܐ. 24ܣܵܒܵܒ ܗܵܠܵܐ ܠܹܐ ܗ݇ܘܵܐ ܕܸܪܝܵܐ ܝܘܿܚܲܢܵܢ ܓܵܘ ܒܹܝܬ ܐܲܣܝܼܪܹ̈ܐ. 25ܘܗَܘܹܐ ܠܵܗ̇ ܒܵܩܲܪܬܵܐ ܒܹܝܠ ܬܲܠܡܝܼܕܹ̈ܐ ܕܝܘܿܚܲܢܵܢ ܘܚܲܕَ ܝܗَܘܼܕܵܝܵܐ ܥܲܠ ܘܕܵܟ̣ܵܝܬܵܐ. 26ܘܐ݇ܬܹܐܠܗܘܿܢ ܠܟܸܣ ܝܘܿܚܲܢܵܢ ܘܐَܡܸܪܗܘܿܢ ܐܸܠܹܗ: ܪܵܒܝܼ: ܗ̇ܘ ܕܥܲܡܘܼܟ ܝܼܗ݇ܘܵܐ ܒܡܲܪܙܵܐ ܐ݇ܚܹܪ݇ܢܵܐ ܕܝܘܿܪܕܢܵܢ: ܕܐܲܢَܬ ܝܘܼܗَܒܼܸܠܘܼܟܼ ܣܵܗܕܘܼܬܵܐ ܥܲܠܘܼܗܝ: ܗܵܐ: ܐܘܼܦ ܗ̇ܘ ܡܲܥܡܘܿܕܹܐ ܝܠܹܗ: ܘܟܠܵܝܗܝ ܒܹܐܬܵܝܵܐ ܝܢܵܐ ܠܟܸܣܠܹܗ. 27ܓ̰ܘܼܘܸܒܠܹܗ ܝܘܿܚܲܢܵܢ ܘܐَܡܝܼܪܹܗ: ܠܹܐ ܡܵܨܹܐ ܒܲܪܢܵܫܵܐ ܠܸܫܩܵܠܵܐ ܡܸܢܕܝܼ: ܐܸܢ ܠܵܐ ܦܵܐܹܫ ܝܘܼܗَܒ̣ܵܐ ܐܸܠܹܗ ܡ̣ܢ ܫܡܲܝܵܐ. 28ܐܲܚܬܘܿܢ ܒܝܼܵܗَܒ̣ܵܐ ܝܬܘܿܢ ܣܵܗܕܘܼܬܵܐ ܐܸܠܝܼ: ܕܐَܡܸܪܝܼ: ܐܵܢܵܐ ܠܹܐ ܝܘܸܢ ܡܫܝܼܚܵܐ: ܐܸܠܵܐ ܕܦܝܼܫܵܐ ܝܼܘܸܢ ܫܘܼܕܪܵܐ ܩܵܕَܡܘܼܗܝ. 29ܡ̇ܢ ܕܐܝܼܬ ܠܹܗ ܟܵܠܬܵܐ ܚܸܬܢܵܐ ܝܠܹܗ. ܐܝܼܢܵܐ ܕܵܘܣܬܹܗ ܕܚܸܬܢܵܐ: ܗ̇ܘ ܕܟܵܠܹܐ ܘܡܲܨܝܸܬ ܐܸܠܹܗ: ܚܲܕܘܼܬܵܐ ܓܘܼܪܬܵܐ ܟܹܐ ܚܵܕܹܐ ܣܵܒܵܒ ܕܩܵܠܹܗ ܕܚܸܬܢܵܐ: ܗܲܕܟ̣ܵܐ ܐܵܗܵܐ ܚܲܕܘܼܬܵܐ ܕܝܼܝܼ ܦܝܵܫܵܐ ܝ݇ܠܵܗ̇ ܬܘܼܡܸܡܬܵܐ. 30ܠܗ̇ܘ ܠܵܙܸܡ ܝ݇ܠܵܗ̇ ܠܓܲܪܘܘܼܣܹܐ: ܘܐܸܠܝܼ ܠܸܒܨܵܪܵܐ. 31ܣܵܒܵܒ ܗ̇ܘ ܕܡܥܸܠܸܠ ܐَܬܹܐܠܹܗ: ܠܥܸܠܸܠ ܡ̣ܢ ܟܠ ܝܼܠܹܗ. ܘܗ̇ܘ ܕܡ̣ܢ ܐܲܪܥܵܐ: ܡ̣ܢ ܐܲܪܥܵܐ ܝܠܹܗ: ܘܡ̣ܢ ܐܲܪܥܵܐ ܟܹܐ ܗܲܡܙܸܡ. ܗ̇ܘ ܕܡ̣ܢ ܫܡܲܝܵܐ ܐَܬܹܐܠܹܗ: ܠܥܸܠܸܠ ܡ̣ܢ ܟܠ ܝܼܠܹܗ. 32ܘܡܸܢܕܝܼ ܕܚܙܹܐܠܹܗ ܘܫܡܸܥܠܹܗ ܒܝܼܵܗَܒ̣ܵܐ ܝܠܹܗ ܣܵܗܕܘܼܬܵܐ: ܘܣܵܗܕܘܼܬܹܗ ܐ݇ܢܵܫܵܐ ܠܹܐ ܝܠܹܗ ܩܵܒܘܿܠܹܐ. 33ܐܝܼܢܵܐ ܗ̇ܘ ܕܩܵܒܸ̇ܠ ܣܵܗܕܘܼܬܹܗ: ܡܸܚܝܵܐ ܝܠܹܗ ܡܵܘܗܲܪ ܕܐܲܠܵܗܵܐ ܫܲܪܝܼܪܵܐ ܝܼܠܹܗ. 34ܣܵܒܵܒ ܗ̇ܘ ܕܐܲܠܵܗܵܐ ܫܘܼܕܸܪܹܗ ܟܹܐ ܗܲܡܙܸܡ ܗܹܡܸܙܡܵܢܹ̈ܐ ܕܐܲܠܵܗܵܐ: ܣܵܒܵܒ ܐܲܠܵܗܵܐ ܒܟܝܼܘܼܠܵܐ ܠܹܐ ܝܠܹܗ ܒܝܼܵܗَܒ̣ܵܐ ܪܘܼܚܵܐ. 35ܒܵܒܵܐ ܟܹܐ ܡܲܚܸܒ ܠܒܪܘܿܢܵܐ: ܘܟܠ ܡܸܢܕܝܼ ܝܘܼܗَܒ̣ܵܐ ܝܠܹܗ ܒܐܝܼܕܹ̈ܗ. 36ܡ̇ܢ ܕܗܲܡܸܢ ܒܒܪܘܿܢܵܐ: ܐܝܼܬ ܠܹܗ ܚܲܝܹ̈ܐ ܕܠܐܵܒܲܕ: ܘܡ̇ܢ ܕܠܵܐ ܗܲܡܸܢ ܠܒܪܘܿܢܵܐ: ܠܹܐ ܚܵܙܹܐ ܚܲܝܹ̈ܐ: ܐܸܠܵܐ ܟܲܪܒܹܗ ܕܐܲܠܵܗܵܐ ܥܲܪܩܘܼܠܹܐ ܝ݇ܠܵܗ̇ ܥܲܠܘܼܗܝ.